一生懸麵

营业中

休息中

今日去食拉麵，鋪頭細細，3張兩人枱加一排bar枱，我地選擇咗坐bar枱。枱上有杯，有水同埋一啲調味料可以按自己方便添加。佢地有4款拉麵同4款沾麵，而我地叫咗一碗濃香櫻蝦油拉麵同一碗名古屋二郎系拉麵。碗櫻蝦拉麵超級香，忍唔住要飲多幾啖。本身唔知道名古屋二郎系係咩款式嘅拉麵，後尾發現原來係蒜味，湯底有好重嘅蒜味，係拉麵面仲鋪咗好多生蒜粒上去(食完個口一定臭到爆)，之外碗野仲有好多椰菜，幾好，拉麵嚟講就無咩特別。唯一有樣野我唔太中意，點左野食無耐之後就一直發現有陣臭臭地嘅怪味，都唔係廚房裡面發出嚟定係員工身上嘅汗味，不過肯定就唔關出面事，因為一離開bar枱就無左陣味了