影片
更多
2018-12-05
502 浏览
同屋企人去睇燈飾，順便喺尖沙咀搵野食。以前好興黎呢度食，而家少咗好多人。平日夜晚根本唔會坐滿。我哋四個人坐梳化卡位。室內環境陰暗，好好情調。侍應指定招呼某幾檯，仲會報上名字，所以都會好盡責，好好禮貌。提供暖水同加水都好快手。特色加州墨西哥烤薄餅($268)。非常足料，有雞同牛油果，仲有拉絲芝士同蕃茄。唔會太鹹，分量大適合多人分享。炸洋蔥圈($98)。分量算多，炸漿厚薄適中，香口嘢實好味。經典燒排骨($368全份)。排骨偏乾同鞋。問店員攞咗醬汁後即刻好味道提升。我哋無仔細睇到餐牌，原來佢跟埋兩球薯蓉同雜菜，其實幾抵食。新奧爾良海鮮飯($280)。有一大嚿醃得好好味嘅魚柳同幾隻蝦仁，最好味係配埋個芝士蘑菇黑松露意大利飯。下次必叫。總結係，雖然價錢好似有啲貴，但分量夠大，質素都唔算差，值得再食。
我哋四個人坐梳化卡位。室內環境陰暗，好好情調。侍應指定招呼某幾檯，仲會報上名字，所以都會好盡責，好好禮貌。提供暖水同加水都好快手。
特色加州墨西哥烤薄餅($268)。非常足料，有雞同牛油果，仲有拉絲芝士同蕃茄。唔會太鹹，分量大適合多人分享。
炸洋蔥圈($98)。分量算多，炸漿厚薄適中，香口嘢實好味。
經典燒排骨($368全份)。排骨偏乾同鞋。問店員攞咗醬汁後即刻好味道提升。我哋無仔細睇到餐牌，原來佢跟埋兩球薯蓉同雜菜，其實幾抵食。
新奧爾良海鮮飯($280)。有一大嚿醃得好好味嘅魚柳同幾隻蝦仁，最好味係配埋個芝士蘑菇黑松露意大利飯。下次必叫。
總結係，雖然價錢好似有啲貴，但分量夠大，質素都唔算差，值得再食。
张贴
