影片
更多
2010-09-15
7 浏览
食到飽飽地, 師傅就同好友食家"乜都放入窿"步行出去旺角, 美其名為飯後散步, 實際係趕下場, 趕下場做咩? 當然係食啦, 同得好友食家"乜都放入窿"食飯, 甜品呢欄又點少得呢, 加上天時暑熱, 所以一至認同黎呢間食店!師傅行到身水身汗終於黎到呢間食店, 入到去竟然唔多人, 仲大把位, 真係難得; 於是坐底後, 伙計即刻放底個餐牌, 效率相當之高! 師傅作下狀都要睇下, 其實一早諗定食咩, 等好友食家"乜都放入窿"睇完後先落單, 師傅就要左個椰香西瓜撈刨冰, 等好友食家"乜都放入窿"就揀左椰香紅豆泥涼粉!話都冇咩快d甜品就登場, 一見到個椰香西瓜撈刨冰師傅就覺得好鬼開心, 不過望多兩眼好似條冰柱短左咁, 覺得有少少縮水, 冰柱依然算高, 旁邊放滿了西瓜, 底下還有少少涼粉, 食落口發覺西瓜唔甜但多汁, 再配上甜品內嘅糖水, 味道唔會過甜, 感覺係十分清爽, 而刨冰就依舊好冰凍清涼, 入口簡直係透心涼, 雖然話佢縮左水, 但份量依然多, 最後食到師傅捧住個肚先行得出呢個門口! 至於等好友食家"乜都放入窿"嘅就椰香紅豆泥涼粉, 師傅亦有幸加好唔客氣咁試左一啖, 發覺紅豆泥雖然係一pat野,
師傅行到身水身汗終於黎到呢間食店, 入到去竟然唔多人, 仲大把位, 真係難得; 於是坐底後, 伙計即刻放底個餐牌, 效率相當之高! 師傅作下狀都要睇下, 其實一早諗定食咩, 等好友食家"乜都放入窿"睇完後先落單, 師傅就要左個椰香西瓜撈刨冰, 等好友食家"乜都放入窿"就揀左椰香紅豆泥涼粉!
話都冇咩快d甜品就登場, 一見到個椰香西瓜撈刨冰師傅就覺得好鬼開心, 不過望多兩眼好似條冰柱短左咁, 覺得有少少縮水, 冰柱依然算高, 旁邊放滿了西瓜, 底下還有少少涼粉, 食落口發覺西瓜唔甜但多汁, 再配上甜品內嘅糖水, 味道唔會過甜, 感覺係十分清爽, 而刨冰就依舊好冰凍清涼, 入口簡直係透心涼, 雖然話佢縮左水, 但份量依然多, 最後食到師傅捧住個肚先行得出呢個門口! 至於等好友食家"乜都放入窿"嘅就椰香紅豆泥涼粉, 師傅亦有幸加好唔客氣咁試左一啖, 發覺紅豆泥雖然係一pat野, 但份量絕不豆泥, 而且食得出有紅豆味, 加上味道唔會過甜, 雖然只吃了一啖, 師傅亦覺得不錯, 如果有機會下次師傅會試多少少添!
總括黎講甜品質素不俗, 有心機, 環境舒服乾淨, 相比起松記就冇咁逼, 價錢算得上合理, 廿四蚊刨冰, 廿六蚊紅豆泥, 都可以啦! 好友食家"乜都放入窿"食完後仲等緊師傅, 冇辦法啦刨冰凍嘛, 不過好友食家"乜都放入窿"就好出奇師傅是次竟然食得晒, 如果唔講師傅都唔記得從前通常都食淨, 但是次竟然一滴不留, 由此証明師傅個食量越來越驚人! 笑臉一定要比, 有機會一定會再黎, 特別係總店呢間!
张贴
