板神鉄板燒日本料理 (The Hennessy) (已結業)

來到週末當然要放肆一下，今日相約好朋友聚舊，就由朋友揀餐廳，呢間鐵板燒咁啱我都想試好耐餐廳環境好大坐得都好舒適，最正有埋個靚景睇下，見到雪櫃好多靚牛啊，仲有多款清酒今日就點咗$2680二人前，佢係美國牛肉薄燒或厚整燒，另揀咗龍蝦配大蝦先上前菜三點，三文魚籽配海藻鹹鮮味好出、東風螺夠哂爽口鮮甜，仲有清新高糖蕃茄見到我哋個主角喇，煮前先幫佢哋影個靚相，2款牛肉，仲有今日嘅海鮮之後就上刺身三點，秋刀魚本身有獨特味道，再火灸後又多一份濃香，仲有肥美油差魚同埋爽口深海池魚沙律都可咁砌到咁靚嘅，底層係脆多士，仲有新鮮牛油果，搭埋鮮甜蟹肉同肥美三文魚做成嘅他他，夏天食真係好開胃又清新，面上仲鋪滿金箔㗎見到師父開始鐵板龍蝦了，熟手地拆肉再調味，仲將龍蝦膏用嚟炒蝦肉，夠哂邪惡又濃香，入口爽口彈牙充滿膏香又鮮甜之後就係大蝦出場，隻蝦勁新鮮，好爽口又鮮味，少少調味已經好夠之後到2款牛肉喇，薄燒牛肉加入大量香蔥及蒜片真係好正，而厚燒三成熟好粉嫩帶微紅，入口嫩滑牛味又夠香濃師父再炒上雜菜解一解膩感湯品係之前龍蝦嘅頭去煮個麵豉湯，味道清甜又有啲啲鹹香，個龍蝦頭仲好多肉又有蝦膏㗎每次都好期待鐵板本炒飯，粒粒都炒到好