View 62 by Paco Roncero (已結業)

View62在合和62樓，360度旋轉餐廳可以俯覽維港以至山頂一帶，作為觀景台真係一流，但係對啲食物唔好期望咁高。周末午餐3個course，價錢由250元至350元， 視乎揀什麼主菜。頭盤選了香草意粉及西班牙傳統雜肉湯，意粉乾爭爭硬崛崛，好難食，個湯平平無奇，味道一般。主菜選了海鱈魚及黑毛豬柳， 海鱈魚個賣相好有快餐店Feel，都係個汁撻落啲食物上面，完全冇美感，舊魚亦好鞋， 好彩黑毛豬柳好腍好味。甜品令我更加失望， 選了吉士配曲奇泡沫及朱古力配榛子牛油。唉～ 吉士配曲奇泡沫好似嘔吐物，令人反胃，朱古力配榛子牛油好奇怪，mousse又唔係，好似將啲牛油同朱古力煮溶再凝固，唔知係咪西班牙傳統甜品，不過就唔好食囉。