影片
更多
2020-10-04
10669 浏览
適逢大時大節先捨得嘆 finedining，留訂金 book 左兩位 window seat，備註左想佢地甜品碟上寫生日快樂，好滿意，因為要求既野餐廳都有做。當晚出發去餐廳既時侯係收工時間，而且又落勁大雨，所以交通好擠塞，我打電話返去餐廳講聲可能會遲到，而外國籍接線生好有禮貌話無問題。餐廳下面係零售賣茶葉，茶具之類，行上去餐廳既樓梯好靚，花草牆紙，接待員係岩岩聽電話既，超級熱情，安排入座之後叫我地 enjoy 個海景，Set Dinner 既主菜我想試威靈頓牛，兩位用，所以我地兩個都要加錢轉，$588 既 set dinner 每位加 $288 轉。跟既餐包外皮比較硬，入面就好軟。前菜加 $68 要左鵝肝跟一片多士，個鵝肝都算幾大塊，入口超級香，平日其實我唔鍾意食，因為好膩，但係呢度既鵝肝唔會，反而好香。另外一個前菜，我要左牛肉他他，賣相好好，輕輕將生蛋混合牛肉，再放上多士，一咬，完全無腥味，只覺得蛋漿同牛肉既味和平交纏，呢個份量令我每一口都非常珍惜。威靈頓牛真係好威威，有專員推車仔過黎，佢會放底整件威靈頓，畀我地欣賞同影相，然後佢會開始煮個汁，火吸引其他食客望。威靈頓牛會跟埋炸蒜豆角
留訂金 book 左兩位 window seat，
備註左想佢地甜品碟上寫生日快樂，
好滿意，因為要求既野餐廳都有做。
當晚出發去餐廳既時侯係收工時間，
而且又落勁大雨，所以交通好擠塞，
我打電話返去餐廳講聲可能會遲到，
而外國籍接線生好有禮貌話無問題。
餐廳下面係零售賣茶葉，茶具之類，
行上去餐廳既樓梯好靚，花草牆紙，
接待員係岩岩聽電話既，超級熱情，
安排入座之後叫我地 enjoy 個海景，
Set Dinner 既主菜我想試威靈頓牛，
兩位用，所以我地兩個都要加錢轉，
$588 既 set dinner 每位加 $288 轉。
跟既餐包外皮比較硬，入面就好軟。
前菜加 $68 要左鵝肝跟一片多士，
個鵝肝都算幾大塊，入口超級香，
平日其實我唔鍾意食，因為好膩，
但係呢度既鵝肝唔會，反而好香。
另外一個前菜，我要左牛肉他他，
賣相好好，輕輕將生蛋混合牛肉，
再放上多士，一咬，完全無腥味，
只覺得蛋漿同牛肉既味和平交纏，
呢個份量令我每一口都非常珍惜。
威靈頓牛真係好威威，有專員推車仔過黎，
佢會放底整件威靈頓，畀我地欣賞同影相，
然後佢會開始煮個汁，火吸引其他食客望。
威靈頓牛會跟埋炸蒜豆角同埋千層薯蓉，
我好鍾意個千層薯蓉，牛油香，薯仔淋。
講真，威靈頓牛個賣相真係幾靚，
佢入面既牛肉個熟度亦控制得好，
其實今次係我第一次食威靈頓牛，
但係我覺得佢唔太出色，一切開，
酥皮，中層，牛肉，就會散開曬，
我將佢地全部合返體，再放入口，
唔熱，無微溫，酥皮唔酥，軟曬，
牛肉無牛肉味，雖然肉質唔柴口，
我果刻會覺得食普通牛排仲好食，
可能係我唔識欣賞威靈頓既好味。
生日既話，餐廳原來會送一件甜品，
然後係果份甜品既碟上寫生日快樂，
發現當晚在場九成人都係慶祝生日，
幾乎每檯都有上呢款甜品，好搞笑，
佢類似係泡芙咁，但味道就太過甜。
我份甜品 choco croissant pudding，
原來係類似麵包布甸，熱食既甜品，
伴碟有少少燒過既香蕉同埋 cream，
我馬馬地呢款甜品，朱古力味唔濃。
反而左邊杯雪糕仲好食，莓味清新。
埋單人均一千鬆左右，
兩個前菜令人有驚喜，
服務個熱誠夠曬親切，
裝修同海景吸引醉人！
較失望威靈頓同甜品。
张贴
