煮打菜打冷小菜館 (已結業)

早排聽朋友講呢度有間打冷好得，今日終於有機會黎試下！蒜蓉牛油蜆平時好鍾意食蜆，成日食䜴椒炒蜆多，今次見到有牛油蜆覺得好特別，就試下，非常有驚喜既菜式！大蜆非常新鮮，蒜蓉同牛油比例啱啱好，再攞去焗，要襯熱食，牛油既咸香味同蒜蓉既味道好夾，加上大大仔既焗蜆，帶出蜆既鮮味！必食之選！土魷爆牙肉餅用料足，肉餅彈牙啖啖肉，肉汁香濃，撈飯最啱！有咸蛋、土魷、魷魚、銀魚、咸魚及梅菜揀，我地就揀左土魷，師父將土魷切粒放在肉餅上蒸，有小小芫茜係面，連肉汁食，香味及口感一流！潮式爆花蠔餅好足料，蠔本身好新鮮，每啖都有蠔，同粉漿比例啱啱好，成塊蠔餅都炸得好均匀同脆身。點魚露食就perfect！滷水拼盤(大)鹵水拼盤有紅腸，大腸，生腸，鵝肉，鹵蛋等共十種食物！每樣食物都好入味，但又唔會太咸，鹵水又香又好味！最正就係底下d芽菜，索晒d滷水汁食，啖啖都食到滷水既香味！番食之選！