新竹園軒

营业中

休息中

今日同屋企人食飯，由於有親戚食過，力讚食物高質服務態度又好，所以唔使煩就揀咗呢間中菜館！食完果然抵讚🥰值得再食！😋皮蛋酸薑：糖心皮蛋，佢配左一兜砂糖，原來皮蛋點落砂糖度可以增加佢嘅甜度，帶出佢嘅甜味！酸薑酸酸甜甜又帶辣，好開胃！😋杏汁豬肺湯：香味濃郁嘅功夫湯，口感幼滑！豬肺完全無腥味👍🏻飲完完全覺得潤肺又養顏❤️😋菜膽雞燉翅：魚翅超級大疏，個湯吸收晒啲雞同金華火腿嘅精華，相當足料同濃味，係一碗好出色嘅燉湯😋豉椒蟶子王：無得頂！鮮美又出色，啲醬料又爆得好香，好美味呀🤟🏻😋蒜蓉粉絲蒸扇貝: 火候控制得啱啱好，扇貝啱啱熟，加上蒜蓉嘅調味，粉絲吸晒醬汁嘅精華👏🏻😋啫啫芥蘭煲：呢個相當有鑊氣，入面嘅蝦乾肉碎炒得相當入味，芥蘭炒到好入味😋咕嚕肉：外皮香脆，入面豬肉勁嫩又多汁，佢哋揀啲肉仲要係有啲肥豬肉，係我食過最好味嘅咕嚕肉之一😳