富士山55 (拉麵沾麵專門店) (已結業)

呢間沾麵店想試好耐，佢哋銅鑼灣分店應該都係開咗幾個月，今日路過就入嚟試吓，裝修保持一貫日式拉麵風格，座位唔算多。點咗個特濃豬骨沾麵，麵質可以選硬，正常，軟。呢間最特別嘅地方係食完沾麵，個湯可以加芝士撈飯。湯底非常濃郁，麵質啱啱好（我要求要硬麵），蛋就太熟喇，有待改進，叉燒我覺得肥瘦比例啱啱好。食完麵之後，店員仲好細心咁幫我哋煮芝士撈飯。濃湯芝士撈飯都幾特別，好有日本風味。店家自製嘅漬物都幾好味，記得要試吓！