影片
更多
2023-06-01
475 浏览
🍽🍴🍽🍴🍽 🍴🥡🥡🥡🥡🥡🍴 🍽🍴🍽🍴🍽-一汁一菜主打日式輕食外賣，揀一款湯之後再睇吓想配咩主食，今次揀咗配咖喱飯，雖然係外賣店冇堂食，但質素都幾有驚喜，有堂食嘅質素，份量都好足，啱晒得半個鐘喺放工之後要趕住填肚再去上堂嘅我，快靚正豐富外賣晚餐一個紙袋pack好哂🤓。🥢 法式龍蝦濃湯 $49 🆗估唔到外賣店都做到濃湯嘅效果，每一啖都有好濃郁嘅龍蝦味，加咗忌廉令到成個湯更加滑口，仲有龍蝦肉粒，飲完個湯已經飽咗一半😂。🥢豚肉丸子豆乳咖喱飯 (咖喱定食$50) 🆙拎上手發現佢好重，原來好足料，除咗有成五粒丸子，個咖喱有好多配料，有薯仔同洋蔥，仲加咗炸蒜片，令到成個汁更加香濃，亦都食到淡淡嘅豆乳香，日式咖喱嚟講都算偏濃味，唔係食開辣嘅我覺得辣度啱啱好👌。🥢 日本味付溏心蛋飯 (+$10) 🆙值得一提係舖頭採用日本產米，真係食得出米嘅香甜，煮得啱啱好粒粒分明，配埋有濃濃醬油味嘅溏心蛋，用嚟撈咖喱汁好滿足！如果唔想食飯仲可以揀配麵包。🥢 明太子醬厚燒玉子$25 🆗玉子甜甜地，配上有微微辣味嘅明太子醬，味道啱啱好👌。🥢 吞拿昆布拌秋葵 $25 🆗呑拿魚份量都好多，秋葵新鮮，昆布滲住鹹香味，呢個沙律好啱
-
一汁一菜主打日式輕食外賣，揀一款湯之後再睇吓想配咩主食，今次揀咗配咖喱飯，雖然係外賣店冇堂食，但質素都幾有驚喜，有堂食嘅質素，份量都好足，啱晒得半個鐘喺放工之後要趕住填肚再去上堂嘅我，快靚正豐富外賣晚餐一個紙袋pack好哂🤓。
🥢 法式龍蝦濃湯 $49 🆗
估唔到外賣店都做到濃湯嘅效果，每一啖都有好濃郁嘅龍蝦味，加咗忌廉令到成個湯更加滑口，仲有龍蝦肉粒，飲完個湯已經飽咗一半😂。
🥢豚肉丸子豆乳咖喱飯 (咖喱定食$50) 🆙
拎上手發現佢好重，原來好足料，除咗有成五粒丸子，個咖喱有好多配料，有薯仔同洋蔥，仲加咗炸蒜片，令到成個汁更加香濃，亦都食到淡淡嘅豆乳香，日式咖喱嚟講都算偏濃味，唔係食開辣嘅我覺得辣度啱啱好👌。
🥢 日本味付溏心蛋飯 (+$10) 🆙
值得一提係舖頭採用日本產米，真係食得出米嘅香甜，煮得啱啱好粒粒分明，配埋有濃濃醬油味嘅溏心蛋，用嚟撈咖喱汁好滿足！如果唔想食飯仲可以揀配麵包。
🥢 明太子醬厚燒玉子$25 🆗
玉子甜甜地，配上有微微辣味嘅明太子醬，味道啱啱好👌。
🥢 吞拿昆布拌秋葵 $25 🆗
呑拿魚份量都好多，秋葵新鮮，昆布滲住鹹香味，呢個沙律好啱夏天食，好開胃。
📌除咗APM、中環街市同朗豪坊，最近一汁一菜原來喺PP3同黃竹坑One Island South都開咗新店，啱哂打工仔食個高質外賣🤓。
-
🥸評價 𝗥𝗮𝘁𝗶𝗻𝗴𝘀🥸
食物 𝗙𝗼𝗼𝗱 7/10
環境 𝗘𝗻𝘃𝗶𝗿𝗼𝗻𝗺𝗲𝗻𝘁 7/10
服務 𝗦𝗲𝗿𝘃𝗶𝗰𝗲 7/10
性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 6.5/10
整體 𝗢𝘃𝗲𝗿𝗮𝗹𝗹 6.875/10
-
🍽🍴🍽🍴🍽 🍴🥡🥡🥡🥡🥡 🍴 🍽🍴🍽🍴🍽
张贴
