Iberians (已結業)

呢間坐落尖沙咀新文華中心地舖的餐廳，旺中帶靜。餐廳門外有一張枱，旁邊有個櫃放滿一支支酒充滿氣氛。餐廳內裡每個角落都有不同嘅擺設，加上燈光半昏暗，令人感覺放鬆。星期六日提供半自助餐，胃口不大但又想食多啲款式，呢個半自助餐係唔錯選擇。主菜選了「香草三文魚」，三文魚煎得好香，尤其是魚皮更加脆口，原先望落去以為魚皮「乾爭爭」，但咬落脆卜卜，有驚喜！魚肉仲keep到有魚汁在內，已feel到滿滿嘅omega3 ~另一道主菜「西班牙海鮮炒飯」，呢個飯炒得稍為乾身，但又未至於好硬，若果軟返少少會好啲，海鮮有大蝦、鮮魷、青口等等，配埋西班牙臘腸肉粒同埋橄欖粒，有咬口。任食方面，選擇都多樣性，如「白酒煮藍青口」、「西班牙馬鈴薯沙律」、「炸薯條配黑松露醬」、「蟹肉瑞士卷」等等，感覺就像平時一份主菜份量拆細為一小份一小份等你可以嘗盡各樣美食，唔會嘥嘢食之餘仲好有滿足感添。除咗嘢食之外又有餐湯，指定飲品都係無限添飲，所以飽腹滿足之後就好好計劃運動了。