丸十あぶり牧場 (已結業)

今日去咗旺角新世紀廣場嘅丸十牧場食飯，食燒肉之餘亦都叫咗一啲小食一齊食。極上牛柳三文治 牛柳三文治入邊夾住超厚切嘅牛柳，配上已經烘得金黃酥脆嘅麵包，口感豐富之餘又夠香。芝士脆餅配牛油果奇異醬 牛油果奇異醬食落其實無乜奇異果味，但係甜甜地非常唔錯，配合埋芝士脆餅非常好食！推薦！極上一頭和牛拼盤 平時食燒肉都係食某幾個部位，今次食一頭和牛拼盤就可以一次過試好幾個部位。咁多款當中，和牛小排同埋和牛舌就係我最鍾意嘅。和牛小排油脂分佈非常平均，食落油香十足，而且肉味濃濃。而和牛舌厚切爽口彈牙。日出富士丼 丼飯以富士山為造型，鋪滿鮮嫩嘅慢烤西冷、同配上兩款不同嘅醬汁，再加上流心蛋汁，味道極豐富。秘製白汁估唔到同牛肉咁夾，加埋精米，味道一流。富士山原味梳打用上Monde Selection最高金賞嘅天然水製成，淡藍色的梳打充滿清涼感覺，味道似小時候食嘅糖果。赤富士葡萄梳打同樣使用富士山天然水，並加入了山梨縣產葡萄果汁製成，配上昭和風復古包裝，又靚又好飲！