影片
更多
2018-08-27
421 浏览
星期日同家姐陪爸爸媽媽出街食晚飯，今次由家姐發版，揀左深水埗西九龍中心的韓日燒，呢度有日式回轉壽司，又有韓式燒烤同火煱，可以滿足我同家姐兩個和食癡，又可迎合兩老熱食嘅需要。餐廳係中心嘅六樓，地方都算寬敞，主要係卡位形式，雙人座、四人座，六至八人都可安排，枱上分別有韓式烤煱同火鍋用嘅電爐設置。我地揀左回轉壽司帶旁嘅位置，可以睇到司傅製作壽司刺身，又可第一時間攞到心頭好。壽司款式都算不少，三文魚，鰻魚，玉子，甜蝦，腐皮……連花之戀都有，刺身亦好新鮮美味。裏面有熟食區、韓燒同火鍋食品區，擺放整齊清潔，醬料嘅選擇都唔少，可以隨便自由配搭，以自助形式取食物。飲品有蜜桃紅茶，青蘋果綠茶，五花茶豆漿同各式汽水，最驚喜嘅係有無糖熱豆漿同凍奶茶，男女老少總有一款啱你。韓式泡菜調味做得唔錯，令人胃口大開，好受歡迎，餐廳re-fill都好快。熱食嘅咖喱魚蛋同炆牛肚，惹味十足。香口點心有薯條、春捲同咖喱角。炸鷄配松露意粉， 飽肚一族韓式燒烤同火煱嘅肉類同丸類繁多，海鮮有斑塊、多春魚同秋刀魚，菜類菇類，亦一應俱全。要一讚嘅是包燒肉係用牛油紙，無咁容易窿，而且牛油紙嘅補充就放係枱上，讓客人自由更換，好方便！如果想
餐廳係中心嘅六樓，地方都算寬敞，主要係卡位形式，雙人座、四人座，六至八人都可安排，枱上分別有韓式烤煱同火鍋用嘅電爐設置。我地揀左回轉壽司帶旁嘅位置，可以睇到司傅製作壽司刺身，又可第一時間攞到心頭好。
壽司款式都算不少，三文魚，鰻魚，玉子，甜蝦，腐皮……連花之戀都有，刺身亦好新鮮美味。
裏面有熟食區、韓燒同火鍋食品區，擺放整齊清潔，醬料嘅選擇都唔少，可以隨便自由配搭，以自助形式取食物。
飲品有蜜桃紅茶，青蘋果綠茶，五花茶豆漿同各式汽水，最驚喜嘅係有無糖熱豆漿同凍奶茶，男女老少總有一款啱你。
韓式泡菜調味做得唔錯，令人胃口大開，好受歡迎，餐廳re-fill都好快。
熱食嘅咖喱魚蛋同炆牛肚，惹味十足。
香口點心有薯條、春捲同咖喱角。
炸鷄配松露意粉， 飽肚一族
韓式燒烤同火煱嘅肉類同丸類繁多，海鮮有斑塊、多春魚同秋刀魚，菜類菇類，亦一應俱全。要一讚嘅是包燒肉係用牛油紙，無咁容易窿，而且牛油紙嘅補充就放係枱上，讓客人自由更換，好方便！
如果想要一碗熱湯暖暖肚，有粟米雞絲湯同麵豉湯揀，要消暑或者清熱嘅，可以選擇西米露或木瓜雪耳糖水，另外仲有手磨豆腐花，超級滑！
而甜品嘅種類亦都有好多，首先一定要試下焗得香滑誘人嘅迷你葡撻，仲有甜品櫃入面嘅奶凍、茶凍、燉蛋、涼粉、椰汁糕同大菜糕。
大家都好滿意呢餐自助韓日燒，可以一邊食韓燒，一邊打邊爐，仲可以同時享受新鮮美味嘅壽司同刺身，另外值得一讚嘅係雖然人客衆多，但食物refill得非常快，而且價錢相宜，星期日成人都係$168，老人同小童仲有優惠。
张贴
