酒鍋 (V Point) (已結業)

同朋友行行下時代廣場，佢竟然抽起條筋想係大熱天時打邊爐😂好彩呢排無咩食太熱食嘅野，咁就陪下佢啦，反正我都想啤啤佢！我地即刻係Openrice搵到呢間隔一條街嘅火鍋店，係燈籠街街口嘅V Point，夠晒近。好中國風嘅設計，而且大玻璃好透光之餘，仲可以欣賞下日落～景觀幾好，望到少少維港，今日天氣幾好，食野都食得開心啲。我地無睇到大餐牌，一嚟就見到呢個「酒鍋三十道豐味」😂有四款湯底：四川麻辣、花膠雞湯、肉骨茶、青咖哩。平時除咗食麻辣，就係沙嗲湯，今日就試下其他新口味啦！醬料配料自己溝～餐前有個小食拼盤，不過炸物炸得比較乾身。「四國豐味」四川麻辣，有豬皮、豆卜、芽菜，同好多好多辣椒，辣度適中。青咖哩，入面有蝦同蜆，個味好濃，辣辣地好過癮😋藥膳花膠雞，有雞脾肉、紅棗、杞子等，好濃郁嘅雞湯。肉骨茶，甘甘地，勁香。試完個湯底已經覺得好正，好足料！配料都好新鮮，海蝦同番薯蜆建議放落青咖哩湯到，同海鮮特別夾。蝦幾爽口，蜆無沙👍🏻掛架頂級美國安格斯牛頸脊雖然個顏色睇落好似雪咗好耐，但食落無咩雪味，幾有咬口。日本黑毛豬腩肉，雖然係腩肉，但唔算好肥😋嚮鈴，如果係即炸會仲正！蔬菜雜菌拼盤都幾新鮮，不過對於我呢啲