最後二人選了四件share試。
柚子芝士 ， EarlGrey千層，栗子，限定出售嘅紅絲絨。賣相不算特出。
首先柚子芝士蛋糕 ：個size本身比其他cake會細件啲，質地較硬身 不過一食味道清新 ，似食緊新鮮柚子，如果怕酸嘅可以避食上面嗰pad黃色醬 ，雖然係cheesecake 但係完全唔漏喉 食嘅時候唔會話好濃 但食完有淡淡芝士味，絕對唔錯，會想再食。不過大件啲就仲好。 味道： 7.5/10
栗子蛋糕：身為栗子迷點會唔試，賣相ok嘅，上面嘅脆脆軟硬得宜，一食到栗子蓉位初初覺得唔係好特別，但食耐啲會發覺佢嘅蓉位係好濃嘅奶味，好香甜。我個人會想再食，不過如果唔算特別喜歡栗子嘅可能會覺得無咁特式 可以試其他。味道：7/10
EarlGrey千層
： LadyM最出名嘅千層果然名不虛傳，因為驚原味普通所以今次試伯爵茶，一食甜度適宜，茶味香濃 最重要係真係做到層層分明。入面嘅cream又完全唔會覺得漏 ，四件入面最推介就係佢，會再翻食
味道：9/10
到最後嘅紅絲絨蛋糕：值得一讚嘅係上面白色裝飾品 我同友人研究咗好耐先夠膽放落口，係白朱古力。呢個蛋糕味道好普通係最不值嘅一個 ，好似一啲係普通西餅店買到嘅較低檔嘅蛋糕
入面嘅cream太多食幾啖已經覺得漏，好失望。味道：5/10 
