好素純素餐廳

营业中

休息中

因為同行有食素嘅朋友，所以我揀咗呢間素食廚師發板去試吓。前菜有五款，湯品一款，主菜有五款，甜品有兩款。前菜嘅川味西瓜涼拌粉皮嘅組合好特別，食落感覺好清新。附送嘅生機水克菲爾酸酸甜甜好開胃。其他幾樣就正正常常。湯係菠菜山藥桃膠純素忌廉濃湯，聽到個名都知會比較滯。飲埋個湯都開始有d 飽。主菜我最鍾意嘅係吉列牛油果，外脆內軟好好食。仲有一口薑黃漢堡都唔錯，個漢堡扒都幾似肉。甜品2樣我都覺得一般，但如果你鍾意玉桂味嘅話，甘筍蛋糕就好岩你。由於有好多樣嘢都係澱粉質，食完之後飽到幾乎捧住個肚走。不過一次過可以食嘅素食又真係幾滿足，鍾意食素嘅朋友值得一試。