影片
更多
2019-11-10
1171 浏览
其實肥妹仔個人好貪心，好多時候出街食飯想打下邊爐，但係又想燒肉。發覺校長燒肉呢一間餐廳係可以一次過滿足曬我呢兩種願望，今晚肥妹仔就同肥爸肥媽去咗元朗呢一間校長燒肉日韓料理到食飯。一入到去呢肥妹仔就見到好多個唔同嘅飲品同食物區域。佢好特別嘅嘢係有好多種唔同嘅茶葉同埋花茶畀你選擇，一啲比較養生例如好似肥妹仔呢一類人咁樣，呢一樣溝下，溝出一杯屬於自己嘅花茶。壽司區嘅選擇都有好多:腐皮壽司，鰻魚壽司，帆立貝壽司， 熟三文魚壽司，三文魚壽司，蟹柳壽司，八爪魚壽司，鮮蝦壽司等等，即係普通壽司舖有嘅壽司都可以試，而且佢嘅質素唔錯。刺身區嗰邊就有榮螺，虎蝦 ，三文魚，吞拿魚，玉子，蟹柳，希靈魚等等，新鮮。肥妹仔襯未人多嘅時候都試曬佢所有雪糕，肥妹仔覺得最好食嘅係佢嘅沖繩海鹽，非常之特別。鹹鹹哋，而且佢嘅顏色係tiffany blu，e非常之靚。甜品櫃方面就有奶凍，啫喱，豆腐，芒果布丁， 仲有新鮮嘅菠蘿，西瓜等等。沙律吧方便就有新鮮嘅沙律菜，車厘茄，粟米，仲有紫薯。響燒烤方面除咗肉類之外，佢仲有餃子，牛油粟米，燒金菇菜。肥妹仔食咗好多粟米，因為真係好香牛油味。講下佢嘅肉類，佢嘅肉類種類有好多， 例如有牛
一入到去呢肥妹仔就見到好多個唔同嘅飲品同食物區域。佢好特別嘅嘢係有好多種唔同嘅茶葉同埋花茶畀你選擇，一啲比較養生例如好似肥妹仔呢一類人咁樣，呢一樣溝下，溝出一杯屬於自己嘅花茶。
壽司區嘅選擇都有好多:腐皮壽司，鰻魚壽司，帆立貝壽司， 熟三文魚壽司，三文魚壽司，蟹柳壽司，八爪魚壽司，鮮蝦壽司等等，即係普通壽司舖有嘅壽司都可以試，而且佢嘅質素唔錯。刺身區嗰邊就有榮螺，虎蝦 ，三文魚，吞拿魚，玉子，蟹柳，希靈魚等等，新鮮。
肥妹仔襯未人多嘅時候都試曬佢所有雪糕，肥妹仔覺得最好食嘅係佢嘅沖繩海鹽，非常之特別。鹹鹹哋，而且佢嘅顏色係tiffany blu，e非常之靚。
甜品櫃方面就有奶凍，啫喱，豆腐，芒果布丁， 仲有新鮮嘅菠蘿，西瓜等等。
沙律吧方便就有新鮮嘅沙律菜，車厘茄，粟米，仲有紫薯。
響燒烤方面除咗肉類之外，佢仲有餃子，牛油粟米，燒金菇菜。肥妹仔食咗好多粟米，因為真係好香牛油味。
講下佢嘅肉類，佢嘅肉類種類有好多， 例如有牛五花，豬五花，豬柳，腸仔，丸，午餐肉等等， 仲有好多醃製嘅肉類，而且個味亦都調得唔錯。
仲有一樣嘢非常特別嘅就係原來佢有一個點心櫃，入面有好多點心，例如有燒賣，排骨等等，啲樣肥妹仔第一次見。
炸物方便就有炸 紫薯丸，炸咖哩角， 炸洋蔥圈，炸薯條， 同埋炸薯格，仲有葡撻。好正。小朋友一定鍾意。
熟食都有好多唔同嘅選擇，有辣酒煮花螺，雲耳蒸雞等等 ，等唔切燒嘅時候可以拎住嚟食。
總括而言肥妹仔呢一餐食得超級大滿足，下次有機會一定會再嚟食。
张贴
