影片
更多
2010-05-28
37 浏览
早已知道今日會o係呢度附近食tea~當然先上OR睇下食咩好啦~於是比左兩間屋企人揀~後尾就揀左呢間~因為大家都未試過嘛..下午茶時間套餐有85折…餐廳都座左唔少人喇~Auntie最快手~先order左個燒汁什菌五穀飯+腐竹薏米(tape a)-$34我就要金錂牛腩+凍豆腐配蕃茄湯紅薯粉+雪丸紅豆冰(tape c)-$35最後媽媽要左三絲炒腸粉+海底椰雪耳露(tape c)-$29飯好快就到~除左燒汁什菌外, 仲會有一小碟蒸豆腐..雖然menu冇寫~但因為早已睇過食評..就知道喇~..發現原來可以將豆腐轉做油菜架..燒汁什菌都ok~雖然冇肉, 但都唔會好寡~有幾款菇炒埋一齊..反而我更為欣賞味道好清既豆腐…軟滑散發淡淡豆味~五穀飯偏硬~五穀落得都唔少, 亦都可以話係好有口感~我平時食慣硬飯~所以都可以接受~..我既紅薯粉..望落都唔差~因為蕃茄湯既顏色都幾對辨..都有蕃茄味~可惜係油左d~雖然係咁~但我都飲左唔少~當然冇得同勝x園比較啦~先試凍豆腐, 其實即係蜂巢豆腐~彈牙既口感..用黎索湯就最岩喇~金錂牛腩有成4-5件..炆得又淋又入味~唔錯~至於好滑好難夾既紅薯粉唔知係唔係浸得耐左~
當然先上OR睇下食咩好啦~
於是比左兩間屋企人揀~後尾就揀左呢間~因為大家都未試過嘛..
下午茶時間套餐有85折…餐廳都座左唔少人喇~
Auntie最快手~先order左個燒汁什菌五穀飯+腐竹薏米(tape a)-$34
我就要金錂牛腩+凍豆腐配蕃茄湯紅薯粉+雪丸紅豆冰(tape c)-$35
最後媽媽要左三絲炒腸粉+海底椰雪耳露(tape c)-$29
飯好快就到~除左燒汁什菌外, 仲會有一小碟蒸豆腐..雖然menu冇寫~
但因為早已睇過食評..就知道喇~..發現原來可以將豆腐轉做油菜架..
燒汁什菌都ok~雖然冇肉, 但都唔會好寡~有幾款菇炒埋一齊..
反而我更為欣賞味道好清既豆腐…軟滑散發淡淡豆味~
五穀飯偏硬~五穀落得都唔少, 亦都可以話係好有口感~我平時食慣硬飯~所以都可以接受~..
我既紅薯粉..望落都唔差~因為蕃茄湯既顏色都幾對辨..都有蕃茄味~
可惜係油左d~雖然係咁~但我都飲左唔少~當然冇得同勝x園比較啦~
先試凍豆腐, 其實即係蜂巢豆腐~彈牙既口感..用黎索湯就最岩喇~
金錂牛腩有成4-5件..炆得又淋又入味~唔錯~
至於好滑好難夾既紅薯粉唔知係唔係浸得耐左~比平時食開既較淋~
珊珊來遲既三絲炒腸粉用左火腿絲, 冬菇絲,紅蘿蔔絲同炒…
好油~仲以為應該會比x.o.醬炒冇咁油膩, 健康d添~點知見到隔離枱既x.o.醬炒腸粉好靚~
算啦~係油左d~不過味道還可以~
愛食炸魷魚酥既媽媽見到人地既好似好吸引…有d心郁想叫~
雖然大家己經食晒所有主食~但叫多個小食, 座多陣又何況呢~
其實份量都唔係好多..雖然唔係粗身既魷魚酥..但係新鮮即炸熱辣辣又唔韌又幾好味喎..
呢個小食加芝麻糊(tape a)水都係$25…都幾抵食~不過唔知味道呢~
take away都冇收外賣盒錢添..
已order左既甜品~侍應會等係差唔多食晒就幫你上甜品..
方便好多趕時間既人~但我始終都係鍾意自己叫起..咁可以自己控制時間嘛~
Auntie食既腐竹薏米已經煲到溶晒~呢個做法未必人人鍾意~
因為有d人會鍾意一絲絲腐竹既口感呢~幸好仲有薏米比番少少口感~
我諗呢個糖水應該唔會太甜~因為佢最怕甜~但係冇出聲話唔好~
跟住我既雪丸紅豆冰都幾大杯, 有兩粒呍呢拿味既雪米糍.. 如果係其他味道既雪糕更好~
雪米糍唔似平時o個d咁雪到硬晒咬唔入..而紅豆夠大粒…冇煲到起沙~但又唔太硬~好!
海底椰雪耳露係熱既~份量都唔少, 加左椰汁, 食落好滋潤…海底椰煲得夠淋~
甜度適中~女士應該食下~
講服務就普通啦~侍應要叫先加水, 但態度都唔差~
整體係抵食, 3個人叫4個set都好平, 味道又ok, 有健康款式既選擇, 又有甜品~滿足晒我要求!
张贴
