巧得鍋 (已結業)

星期四晚同一班姊妹約食飯，佢地話book咗好耐要食呢間巧得鍋，我都係跟大隊黎食。入到去，發現原來佢係一間好多樣性既雞煲火鍋，仲可以食埋燒肉，咁多選擇既火鍋店去邊搵啊！我地先黎試咗佢個刺身，嘩件件都勁厚切，魚油香係口入面浪浪下，好滿足啊！跟住我地就由雞煲食起，雞煲勁足料，雞肉好嫩又多肉，佢個雞煲調味係偏甜，好鮮味！我地叫咗個牛肉拼盤黎燒，牛肉好高質，厚薄均勻、一燒即熟！手打墨魚丸同蝦丸都無得頂！入面仲係芝心，好香，丸好彈牙入味，呢樣係必點啊！