韓舍 (已結業)

好耐冇食韓燒，經過創興，見到呢間又有得韓燒，又有得食自助餐，見有咁多選擇，一於同朋友試下。我地8:45前入座，唔洗等位，加埋一，每人$220都唔洗！肉類有好多選擇，豬、牛、羊、雞、醃嘅、冇醃嘅咩都有，當中我覺得豬扒最好味又易燒，一塊薄薄地好快熟，又大塊，又唔會un。仲有好多蔬菜可以燒。燒薯仔同茄子都唔錯！爐邊燒雞蛋泡菜、芝士粟米，食完waiter會幫手添！海鮮就有青口、海蝦。熟食都唔少選擇，當中有幾樣係韓式食品，我就鍾意食蟹粥同芝麻糊。有多款刺身甜品方面，除左有普通自助餐嘅蛋糕、布甸、雪糕之外，仲有得自己炒雪糕同整棉花糖添！章魚燒、窩夫、炒年糕都可以整！