東哥點心籠仔蒸飯專門店 (已結業)

之前經過呢間餐廳已經想試嗨，見呢到有得食點心放題，仲有雞煲同打邊爐添，所以約埋朋友一齊嚟試吓！ 首先食點心都幾好食，款式唔升多，低加埋雞煲打邊爐就一定食到好飽。食得點心點可以冇蝦餃同燒賣呢，我幾中意食佢嘅燒賣，啲肉夠晒彈牙，而且有好多肉汁，蝦餃都唔錯，皮唔算厚，啲蝦幾有咬口，中意食點心嘅一定要嚟試吓。最有驚喜嘅係人參灌湯餃，冇諗過點心放題有得食，佢個湯餃好足料，夠晒大粒，而且真係食到人參味！沙律蝦春卷夠晒脆卜卜，中意食炸物要試吓啦。之後點咗兩款甜點過吓口癮，流沙擂沙球口感類似煎堆咁，但入面係豆沙餡幾好食。千層紅棗糕口感幾煙韌，偏黏口嘅幾有咬口，甜度適中。食完點心就到食雞煲啦，我哋叫咗小辣，啲雞都幾入味，最中意佢有陣陣麻辣味，雞煲同麻辣係絕配嚟，啲雞都算多肉，而且唔算鞋口嘅。食完雞煲就點咗啲牛肉同啲丸類加湯打邊爐。重點嚟啦，佢哋必點炸饅頭，新解熱辣炸起外脆內軟，點埋啲煉奶一齊食先好食㗎！如果想一次過滿足你又點心又雞煲又打邊爐任食，呢到價錢都唔算貴嘅，間唔中食啩呢啲任食都唔錯。