小甜谷 Dessert Kaffee (已結業)

聽過小甜谷好奈 知佢既甜品好出名 最近發現佢係銅鑼灣開左有熟食既分鋪 一於去試下！佢既沙律 小食 主食 都幾多選擇 沙律揀左 - 帶子合桃沙律個沙律賣相好好 好colourful好多料 即刻食慾大增呀！入面有：帶子 (4隻) 合桃 好多沙律菜 去晒衣既西柚同橙 好豐富呀 小食 - 炸雞翼我平時食雞翼都會去皮 但今次真係去唔到 因為太好食！熱辣辣上枱 炸得好香脆 而且個皮辣辣地 加埋佢個醬真係停唔到口 主菜 - 黑松露意大利飯我最鍾意既黑松露意大利飯!!! 去到邊間餐廳有依個主菜我都一定都叫 個飯隻色好靚 上面擺左啲菜令個賣相更加吸引 聞落都幾香黑松露 佢啲飯係偏硬 有啲咬口得黎又好creamy！ 飲品 - 洛神花藍莓果蜜 (右)洛神花既顏色好靚 飲得到佢既甜味係生果既果甜而唔係人工甜 好養生既感覺 甜品 - 鐵板抹茶窩夫聽店員講有新推出既甜品 而且係抹茶 當然要試啦！鐵板有咩用呢？就係倒杯抹茶醬落去 享受佢既「咋咋」聲 令成個甜品更加香更加吸引！ 塊窩夫表面好脆 入面就好軟熟 仲有好重既抹茶味 加埋抹茶雪糕同紅豆蓉食 一熱一涷 最底個塊包就吸晒啲抹茶醬 食到個鐵板好乾