㷫烚烚 (已結業)

同朋友食飯，有人想食雞煲，有人又想食羊腩煲，好難搵到間餐廳兩樣都有得食。今次介紹呢間就岩哂想食唔同野既朋友仔啦！餐廳除左有雞煲、羊腩煲、仲有蒸海鮮。 🟠 雞煲店員會先係你門前炒熱個雞煲，今次揀左小辣，但都幾香口惹味，而雞肉亦都幾軟熟。 🟡 蒸海鮮海鮮就可以揀粉絲蒸或者火鍋，我地揀左海鮮蒸，可以食到海鮮既鮮味。海鮮種類都幾多，包括有鮑魚、帶子、蝦同貴妃蚌。🟤 蒙古冰羊煲食完海鮮就可以揀湯底打邊爐啦。揀左期間限定既蒙古冰羊煲，冬天滋補下。湯底比較清甜，羊肉份量好多。外面有自助吧，食物種類多，包括有菇類、丸類、牛栢葉、豬皮、芋絲、蔬菜同麵等等。另外仲有響鈴、炸魚皮同生根。甜品方面有兩款可以揀，分別係雜果仙草凍同紅豆沙。係電話都可以落單揀食物，有即食既小食，我地叫左皮蛋豆腐、胡麻秋葵同椒鹽雞軟骨食，味道唔錯。肉類就有M9和牛同牛小排，仲有五花腩、牛胸爽同羊肉卷等等。兩款牛都幾有肉香味。飲品方面幾有特色，有檸檬薏米水、竹蔗茅根同黑糖姜茶等等，夠哂健康，又唔會好甜。