一起果醬 (已搬遷) 新店位置

佢个多士系即叫即整攞出黎𠮶阵仲系热辣辣架！九宫格多士即系一旧多士划分咗九格，然后每一格都有唔同味嘅果酱系上面。小编觉得呢一个超级适合未食过佢哋铺头D果酱嘅人，因为可以一次过试晒九只味。1️⃣士多啤梨酱佢嘅味道食落就有啲似能得利嘅士多啤梨糖味，另外佢都有一粒完整既士多啤梨喺度。2️⃣桂花雪梨酱食落虽然就冇咩雪梨味，但系就超级重桂花糖味。另外佢哋嘅雪梨系一粒粒所以食落口都几有咬口架！3️⃣杂莓酱小编觉得食落口超级似利宾纳嘅味道，而且系果酱入面仲有啲杂莓既皮系到架！4️⃣丁香香橙一开始食落口𠮶阵小编觉得有少少姜嘅味道，不过食食吓啲橙味就即刻拥晒出嚟，而且佢仲有啲橙丝喺里面添。5️⃣蛋黄菠萝酱里面有一粒粒嘅菠萝喺度，不过小编就唔系好食得出佢有蛋黄味系到。6️⃣黑糖四物酱佢里面系有黑糖、桂圆、红枣、姜喺度。食入口真系feel到好姜。虽然黑糖、桂圆、红枣嘅味道就唔多觉，不过小编都见到上面有啲一块块嘅红枣皮系度。7️⃣玫瑰苹果酱小编就最钟意呢一个虽然都系冇咩苹果味但系玫瑰味就真系超级重，而且将苹果打成蓉都唔错架！8️⃣玉桂苹果酱佢呢一觉得样都系苹果蓉尼，不过就加左啲肉桂喺里面。佢呢个嘅玉桂味真系超级无敌咁重啊！不过就唔算话太特别。