御家迴轉壽司 (已結業)

上星期同老公落旺角都唔知食咩好,又唔想食D煎炸野,老公提意食日本野,於是揀左呢間試下,7點鐘上到去都係得幾個人都心知不妙喇,不過既然都黎到就照入喇,侍應安排左我地坐係D迴轉帶既卡位,坐既環境都OK,不過一坐低侍應就要求我地叫指定既小食,呢個係佢地公司規定,雖然唔係貴只係$10即,不過已經有D反感,得個6種小食比你選擇,而個6種我都唔鐘意食既,之後侍應話係迴轉枱攞既就有3件,落單就得2件而大家既價錢都一樣,我睇左一陣就攞左一碟甘蝦壽司試一試,點知非常失望,蝦一D都唔新鮮,感覺仲有D"梅"左咁,好難食!之後我叫左一條燒魚,一客什錦天婦羅,一客和風簿餅!燒魚非常非常多油,天婦羅D炸粉好厚,簿餅同和民個D好唔同,我淨係食到成口麵粉,又唔同一般食既醬,我食過咁多和風簿餅,呢個係最難食既,其實都未夠飽但係我唔想再叫喇,於是埋單走人,我8點幾走既時候都係得十幾個人都知我地揀錯地方喇!