酒鍋 (V Point) (已結業)

朋友介紹來銅鑼灣新食市地標v point，呢度有間打邊爐超紅，平時食價錢都唔算好平，但早食飯就有著數，所以試下佢個happy hour餐，我地6pm入座，只要8.30pm前埋單，$328一個就可以試到。套餐超多野食，最鐘意佢個4色湯底，椰子雞湯、麻辣湯、豬骨湯、肉骨茶湯底，全部湯底味道超濃，基本上唔洗再點醬油，食物已經變得好好味。未正式開始打邊爐先試下呢度d炸物，全部即炸出來，好香脆，好惹味。響鈴滾15秒即食得，點埋佢個甜酸醬，寧捨開胃。套餐每款丸類可以試2粒，真係啱曬2人打邊爐，蝦丸墨丸超彈牙，雲吞入面包住大大蝦肉，最可愛當然就係呢個態本造型丸，見到賣相已經心心眼，唔多捨得食你落肚呢！大蝦，蕃薯蜆用冰上，大大隻超新鮮，入口甜味無窮。打邊爐又點可以無牛肉，牛肩肉滾幾十秒食得，好淋身，牛味好重、入口即溶。黑毛豬腩完全唔肥，好有肉味。果然2款都係招牌必點菜色，套餐仲有蔬菜盤同2個烏東，份量真係好多，2個女子真係食唔曬，下次要搵多個朋友幫手先得。