陸陸雞煲火鍋 (已結業)

之前食陸陸都唔見有套餐，今日行過見到有火鍋海鮮套餐，梗係要試下啦！首先食陸陸雞煲，雞煲之前食過，雞好嫩，亦都有好多配菜，成個煲都充滿香料味！食食下待應上左個冰鎮花螺，以為凍食一定鯹，但食落一d都唔鯹，軟硬度亦都適中。食完雞煲，就即刻換上龍蝦湯，裡面既龍蝦竟然係原隻上，以為咁樣龍蝦味出唔到尼，但飲個湯又好濃味，剪開龍蝦食更加係原汁原味，出乎意料之外地好食！到重頭戲海鮮火鍋拼盤，有大頭蝦、海蝦、蟶子、帶子、廣島蠔、貴紀蚌同鮑魚！樣樣都大大隻，新鮮，由其係蠔，肥美得尼又唔鯹！只係蟶子有少少沙，同埋我地自己烚耐左有d硬！所以大家烚之前要睇定各種海鮮烚的時間先（餐牌有）！之後的頂級牛肩胛片牛味重到我覺得有d’蘇’，但絕對唔可以燙太耐，咪一好好難咬！豬肉片唔錯，有d似黑毛豬味道手打蝦丸、墨丸同豬肉丸都係超級彈牙！！魚皮餃正常，而雲吞就好足料，好多蝦，仲要好爽！水餃就做得好實，可能因為太大舊肉！自家製響鈴就大大件，味道正常！炸魚皮朋友就話幾新鮮！最後仲有鮮菜籃同菇菌類拼盤，拼盤比我想像中大同多款，雖然已經分唔出咩菇打咩菇呢個餐樣樣都有得試下，其實幾抵！最岩打邊爐唔食任食，但又想樣樣試d既朋友食！