影片
更多
2016-03-15
528 浏览
幫襯咗好多年，大大話話食過起碼有廿次，但上一次都好多個月前，當時已經覺得水準退步咗。咁啱今日係尖沙咀，老公又想食日式燒肉，所以就嚟返呢度食，點知已經轉咗係放題式。本來有少少擔心，因為放題嘅食物一般都係比較差，但老公話未必，所以照去。上到去啱啱係6點，但因為冇訂枱，個經理就要我哋企埋一邊等。當時只係入咗一枱客，有2個訂枱又係啱啱到，但我哋都要等咗10分鐘先入得。坐低後，侍應解釋收費。放題menu比起以前散叫menu少咗好多好多嘢，特別係冇咗我哋最愛嘅厚燒牛舌。點完肉類，諗住照舊點白飯，但原來只有一款炒飯，所以就問有冇白飯，侍應竟然話冇。要再追問之下先話有，但要加$15。聽完真係呆咗，加咗料再經過炒作嘅炒飯就包埋係menu，齋白飯就要加錢。算，order炒飯。上咗第一輪order，見到碟肉，又呆咗。鹽燒嘅同燒汁嘅係放埋一碟，鹽燒嘅燒完都只係食到燒汁味，肉質又乾。跟住食炒飯，完全唔熱。食到7點，全場都坐唔夠10枱，眼見樓面有4個伙記，但仍然上菜上得好慢。埋單前，食埋個豆腐雪糕，點知係全晚最好味果樣。總結：1. 一轉做放題，明顯食物質素差咗好多。2. 連同服務質素，盛八係做得越來越差。3. 我
上到去啱啱係6點，但因為冇訂枱，個經理就要我哋企埋一邊等。當時只係入咗一枱客，有2個訂枱又係啱啱到，但我哋都要等咗10分鐘先入得。
坐低後，侍應解釋收費。放題menu比起以前散叫menu少咗好多好多嘢，特別係冇咗我哋最愛嘅厚燒牛舌。點完肉類，諗住照舊點白飯，但原來只有一款炒飯，所以就問有冇白飯，侍應竟然話冇。要再追問之下先話有，但要加$15。聽完真係呆咗，加咗料再經過炒作嘅炒飯就包埋係menu，齋白飯就要加錢。算，order炒飯。
上咗第一輪order，見到碟肉，又呆咗。鹽燒嘅同燒汁嘅係放埋一碟，鹽燒嘅燒完都只係食到燒汁味，肉質又乾。跟住食炒飯，完全唔熱。食到7點，全場都坐唔夠10枱，眼見樓面有4個伙記，但仍然上菜上得好慢。
埋單前，食埋個豆腐雪糕，點知係全晚最好味果樣。
總結：
1. 一轉做放題，明顯食物質素差咗好多。
2. 連同服務質素，盛八係做得越來越差。
3. 我同老公都異口同聲話絕對唔會再有下次。
张贴