影片
更多
2020-09-27
647 浏览
以前細舖呢間已經好多人幫襯。因為舊舖位得三四張枱未試過堂食，但一個月都會幫襯三四次外賣，好多時外賣都要等半個鐘每日門外黑板有唔同款式便當，最鍾意鹽酥排骨便當，可惜一直冇機會食到大雞髀（次次都賣晒） 早排見到搬咗新舖即刻去食，舖位闊落咗、人手多咗仲有BB凳提供，餐牌無論便當款式定飲品都多咗添！個飯一嚟到，飯量都多咗好多雖然冇咗大雞髀同埋五款伴菜由日日更改變為每星期變更，但都無阻我哋去食嘅興致可能試業期間，味道方面感覺比搬舖前退步，伴菜相比以前食到停唔到口有些少失色。可能搬舖同時轉咗手(?)同埋忙嘅關係，員工(尤其店長)相比起舊舖三個人嘅時候態度差了一點。過咗試業期再試外賣，小菜味道再退步一次，雞球比較韌份量係多嘅⋯⋯ 今次再食啦，依舊至愛嘅排骨便當嘩！好鹹比起上次外賣鹹咗好多(而粉絲好辣)，係味道方面搬舖後水準不太穩定。仲有小插曲係一開始員工向我哋解釋落錯單但已作更正(即單據係錯嘅)，雖然不太理解唔重印單據嘅原因，既然改咗都冇乜所謂。點知上菜時係根據枱面上錯嘅單上我哋即時反映咗，解釋俾員工聽點解張單唔啱(你同事話改咗😓)。員工拎走嚟錯嘅嘢，但一句道歉都冇⋯⋯ 明白忙嘅時候
早排見到搬咗新舖即刻去食，舖位闊落咗、人手多咗仲有BB凳提供，餐牌無論便當款式定飲品都多咗添！個飯一嚟到，飯量都多咗好多雖然冇咗大雞髀同埋五款伴菜由日日更改變為每星期變更，但都無阻我哋去食嘅興致可能試業期間，味道方面感覺比搬舖前退步，伴菜相比以前食到停唔到口有些少失色。可能搬舖同時轉咗手(?)同埋忙嘅關係，員工(尤其店長)相比起舊舖三個人嘅時候態度差了一點。過咗試業期再試外賣，小菜味道再退步一次，雞球比較韌份量係多嘅⋯⋯
今次再食啦，依舊至愛嘅排骨便當
嘩！好鹹比起上次外賣鹹咗好多(而粉絲好辣)，係味道方面搬舖後水準不太穩定。仲有小插曲係一開始員工向我哋解釋落錯單但已作更正(即單據係錯嘅)，雖然不太理解唔重印單據嘅原因，既然改咗都冇乜所謂。點知上菜時係根據枱面上錯嘅單上我哋即時反映咗，解釋俾員工聽點解張單唔啱(你同事話改咗😓)。員工拎走嚟錯嘅嘢，但一句道歉都冇⋯⋯
明白忙嘅時候，服務態度或食物味道有改善地方可以理解，但味道一次比一次失望，服務態度亦有待改善的話，好難令食客再回頭(可能只係我個別意見啦呢間便當日日都排隊)。餐廳嘅飲品好飲，堂食無杯蓋及飲管係環保係做得幾好，但似乎應該係味道穩定性同職員服務態度方面多下功夫。希望下次有機會再嚟嘅時候會見到有明顯改善啦。
张贴