臺北棧 (形點 I) (已結業)

見到新開，openrice 又冇劣評，裝修又幾靚，就去試下啦。但真係唔識欣賞！我地叫左兩碗麵，一碗酸辣一碗原味。首先份量睇落都幾細，牛肉幾少，係牛展，勁薄勁薄。然後有幾片豆腐，係，係用片做量詞，因為又係薄片，我都未食過咁嘅形態嘅豆腐。 然後好多蟲草乾咁嘅野。啲麵還好啦，一碗叫左刀削麵一碗叫左粉絲。但d 湯真係好失望。先講酸辣，我一飲完全係冇牛肉湯味，完全係飲醋咁！ 我完全食唔到，因為真係太酸！反映完就話整多個俾我，其實我想佢俾湯底我溝就算...但佢話整過，咁我都接受。返黎都仲係酸但可以接受到，唯獨係d 麵應該都仲係原本嘅麵，所以已經吸左太多原有嘅湯，酸到條刀削麵咬開都係酸。未食過咁怪嘅牛肉麵！另一碗原味都麻麻地，湯底冇牛味，係甜甜地。仲叫左個蛋餅，就正正常常啦。本身想叫甜品但碗麵咁嘅味咁嘅價錢，我地就都係cut loss 走人。店內都幾多客人，唔知大家係咪真係咁唔同口味喇，我就唔會再食。