影片
更多
2017-12-02
373 浏览
食完呢個午餐，再即刻上嚟睇睇其他人對呢間餐廳嘅評價，覺得我要即刻登記返個ACCOUNT，講下我真正嘅感受囉！但响餐廳時真係未有打算寫，未影相，所以。。。信不信由你。午飯時間，行過呢棟大廈樓下，見到放咗個牌出嚟，寫住老撾餐廳，套餐48蚊起，之前又未見過，諗住可能係新嘢，所以做平啲吸引大家上去試下，48蚊响中環，聽落真係好吸引。上到門口，有一組3人等位中，裡面未真係FULL哂，有張大枱冇開。但都係要等一陣，坐低，要等大概5分鐘，舉埋手先有人攞餐牌嚟，大概3-40人嘅場有4個樓面，又新，要等都預咗。一睇餐牌，全部都係散叫喎，說好的48蚊起套餐呢？ 原來餐牌最底寫住所有沙律類、老撾式米粉、老撾飯都有配嘢飲，凍飲加三蚊，但兩個大男人午餐，起碼要叫飯或粉先飽，坐底68/78蚊（沙律都飯都係多數呢個價位），叫咗一人一碗老撾牛肉粉（一碗78蚊），餐牌下面寫住有四款湯底選擇，但又冇寫邊四款，咁問下佢啦，佢話原來係粉有牛肉粉、雞肉、海鮮咁，你係叫咩粉就有咩湯⋯⋯咁你點解要寫有四款湯？關我咩事喎。。另外再叫咗個香茅青檸鹽酥魷魚（小食），係小食先有38/48呢個價位囉。 一開始價錢已經中咗伏。湯粉先到，個樣已
午飯時間，行過呢棟大廈樓下，見到放咗個牌出嚟，寫住老撾餐廳，套餐48蚊起，之前又未見過，諗住可能係新嘢，所以做平啲吸引大家上去試下，48蚊响中環，聽落真係好吸引。
上到門口，有一組3人等位中，裡面未真係FULL哂，有張大枱冇開。但都係要等一陣，坐低，要等大概5分鐘，舉埋手先有人攞餐牌嚟，大概3-40人嘅場有4個樓面，又新，要等都預咗。
一睇餐牌，全部都係散叫喎，說好的48蚊起套餐呢？ 原來餐牌最底寫住所有沙律類、老撾式米粉、老撾飯都有配嘢飲，凍飲加三蚊，但兩個大男人午餐，起碼要叫飯或粉先飽，坐底68/78蚊（沙律都飯都係多數呢個價位），叫咗一人一碗老撾牛肉粉（一碗78蚊），餐牌下面寫住有四款湯底選擇，但又冇寫邊四款，咁問下佢啦，佢話原來係粉有牛肉粉、雞肉、海鮮咁，你係叫咩粉就有咩湯⋯⋯咁你點解要寫有四款湯？關我咩事喎。。
另外再叫咗個香茅青檸鹽酥魷魚（小食），係小食先有38/48呢個價位囉。 一開始價錢已經中咗伏。
湯粉先到，個樣已經唔對路。湯粉，米粉係多嘅。真係可能好地道？因為感覺係粗身好地痞、超市可以買一大嚿乾米自己浸淋嗰種；湯米但係湯少，少到浸唔到粉見唔到有湯；牛肉，少，得三四細塊，睇落白「SAI SAI」，似係肥牛打邊爐嗰種長形切咗邊啲肥走咁樣，搭兩粒牛丸⋯⋯咩事？我冇叫牛丸米喎；一粒豆卜有啲紫色洋蔥，幾塊金不換。眼睇已經唔值78蚊。
試食，湯粉，唔夠熱已經係大忌。。。豆卜一啖放哂入口都唔會燙親。牛肉湯？好清嘅牛肉湯喎。。。冇乜牛肉味；牛肉，同眼睇一樣，打邊爐肥牛味仲要好淡，因為好細塊好少；牛丸，普通不過嘅牛丸。米粉亦都好明顯唔會索到啲咩味。成碗嘢就係唔熱、唔夠湯、冇味。冇湯到咩程度？我冇用湯匙食（一開始食飲咗一啖試下味ONLY），食完個碗已經冇湯囉。 但粉多係真嘅，食完會飽，我個FRIEND就覺得無謂迫自己食難食嘢。
凍飲叫咗凍奶茶同凍檸茶，係泰式嗰種茶味。凍飲用即棄膠杯，一上枱啲凍已經幾乎溶哂，有問佢攞過好采都肯。
魷魚，我以為老撾式有咩特別，不過想太多，佢連餐牌上英文寫嘅SQUID TENTACLES都唔係，係魷魚圈。。。香茅青檸 應該係响個汁喥啩，同個圈冇直接關係，個汁係酸囉。。。
埋單仲要加一，其實有咩服務俾過我哋？午餐都要加一。
真係多謝哂，你話係咪一次就夠？如果你信我，就可以嗰一次都省返！
张贴