萌．女僕咖啡屋 (已結業)

第一次寫食評。嗯。。。一入到去，全部都係男性，咁又係既，女僕cafe嘛~係吸引男仔多啲既！廢話唔講咁多，講食物吧！ 無留意時間，不過落完單後等左都唔係好耐啲野飲同野食就到啦~我叫套餐食，有飯，飲品同甜品。我叫左杯荔枝紅茶，可能個主角係紅茶吧...得啲好清淡既紅茶味，係我咁多年以黎飲得最清淡既一杯荔枝紅茶。野食方面我叫左芝士豆腐蛋包飯，原來芝士豆腐同蛋包飯係2樣野來的蛋包飯啲蛋係整得幾滑，啲飯估計用左忌廉（如講錯，請更正）,茄汁重有啲配料一齊炒，個人覺得算係咁，還可以吧...最後到甜品，係一粒好細粒既蛋糕，好清淡，係我咁多年以黎食過最清淡既咖啡蛋糕間野啲價錢同啲食物質素唔成正比，我知道cafe啲野係貴，但佢啲味道特別得黎又咁貴，我只可以講返句：食物真係唔多掂。環境？ 越食越熱，可能我坐係煮野食個附近既位啦！ 店員？ 靚唔靚就見人見智吧，但我覺得佢地幾可愛，可能係間店既要求吧（笑）（註：我是女）服務態度我覺得幾好！ 坐低後會問你係唔係第一次黎，跟住會為你講解點做，有個女僕介紹其中一份餐單個陣連佢自己都忍唔住笑左，哈哈~啲女僕真係會無啦啦走黎同你講野家！ 我最滿意既係啲女僕既服務態度。