慶發飯店 (已搬遷) 新店位置

睇報紙介紹這間老字號，講到好好食，專登打的去搵，都係想求一絲童年回憶我鍾意食馬拉糕，坐低即叫一客，阿姐問我要邊個位，原來邊位就脆內側就軟，仲問，梗係要內膽邊有人食馬拉糕會食脆？食落口，好味，夠鬆軟，但唔係我想要的點了個排骨飯，正，飯粒有咬口，排骨好軟，真係要試再點一客報紙大讚的雞札，頂，賣相無問題，但食落就火滾雞札內有一塊豬皮，唔係魚肚好正常，人家賣十蚊一客，你想點？但塊豬皮上面有毛，係一條條黑色的毛睇真d，係每一個毛孔都有條黑毛，頂，直頭想嘔，成個腦都係影象，好困擾，點會諗到我食個雞札，會聯想到d粗糙毛孔呢？