UCC Coffee Shop (已結業)

又係一個好耐嘅食評, 差少少已經遺忘; 友人提議黎呢間食店食飯, 師傅當然舉腳讚成, 皆因師傅從來都未黎過, 所以都幾期待!由於喺監房都幾遲走, 所以都幾遲先到, 幸好友人依然肯等, 甚是感動; 入到去沙律吧都準備打烊, 師傅當然唔會放過佢啦, 自助沙律吧只可以攞一次, 於是友人就攞左薯蓉, 粟米, 桃同埋吞拿魚!沙律都算幾好味, 薯蓉腍腍地幾好味, 而其他亦不過不失; 之後仲有個餐湯, 係栗米蛋花湯, 味道夠甜又唔會太杰, 都幾好味; 最後師傅揀左咖喱漢堡飯為主菜! 咖喱都算幾香, 不過就唔辣, 如果可以辣d就仲好, 而漢堡得一舊, 肉質鬆香, 洋蔥就幾多, 對於師傅黎講呢個主菜就一般啦!總括而言食物質素合格, 不過並冇咩驚喜, 服務就幾殷勤, 環境都幾舒服, 價錢又未算好貴, 可以啦; 呢度唯一可取係食飽後仲可以唔走住, 傾下計都得, 但師傅覺得一次就夠, 會再黎嘅機會唔大, 而笑臉真係比唔到!