星期六晚去咗Megabox呢間專食泰國菜嘅泰、蘭花開餐! 有卡位坐, 都總算坐得舒服!
辣椰醬咖喱雞肉 $ 72- 配香軟薄餅 $ 22- 好貴!
BUT 好好味嘅咖喱醬, 我都食咗半碗飯!
冬陰公大蝦湯 $ 56-
個湯太濃太酸, 無想像中咁好食!
青芒果絲香脆魚柳沙律 $ 68-
真係一堆炸粉, 見到好少魚碎, 感覺好新鮮好脆口, 但勁熱氣!
先用生菜包住青芒果絲腰果沙律, 再放d炸到鬆脆嘅魚柳喺面..一啖咬落去,
食落凍凍地, 感覺好似無咁熱氣!
賣單$ 256- 用信用咭找數仲有85折, 最後連貼士只係比$220-
最衰唔包送甜品!
