星期六大約七時正，已經坐滿大約三分二，每次經過都見好多人。
拿，裝修係幾好:)，我一個人入去就坐吧台，吧台係有D石既質地，幾靚
但係吧台位就不停有人係你左邊右邊遞壽司，食食下野都會FEEL到成日有人伸隻手。
而且坐吧度見佢地將D魚生掉黎掉去，所以無乜胃口食佢D刺身.......
我叫左個上鮮拉麵(好似)，入面有2粒帆立貝，一片又燒，黑木耳，蔥花，流心蛋。($68)
其實料多定少都唔緊要，食野最緊要都係味道，拉麵既質感就幾好,因為幾幼身，岩我口味
但味道就麻麻
，湯底油又淡，食左D帆立貝，一半麵我都無食就走。
埋單$68加一，姐係$75, 我就覺得唔抵食，因為$75黎講係新都城仲有更多好選擇
要等位，又要加一(但係無服務)，又唔好食，我自己就覺得一次都嫌多:(
