烏蠅館 (九龍中心大廈)

营业中

休息中

一入到嚟呢間位於尖沙咀近烏蠅館我就覺得有算係復古嘅感覺。特別係成牆都係茶壺茶杯咁樣嘅裝飾我覺得非常特別。入面都係木雕嘅凳，充滿古色古香。一坐到落枱，就見到係用電話掃QR code落單。都係幾方便嘅一樣嘢黎，只不過唔知點解有啲人嘅電話硬係都掃唔到我就係其中之一。好在最後我都係用朋友電話落到單。一上枱就係兩條魚。湯底有好多個辣椒、粉絲、木耳同埋蘿蔔。飲品我就揀咗膠花珍珠鮮奶。因為我覺得既然條魚係辣嘅咁我應該飲啲鮮奶解下辣。食完魚之後，就可以開始加湯進行一個打邊爐嘅環節。我覺得呢度嘅蒜泥白肉個小菜都算係唔錯。辣得來保持到肉嘅鮮味。湯底冇因為第一次加湯所以辣度有所減低。我覺得比較特別嘅炸魚皮，勁大塊、勁脆，我浸落湯底嗰度，浸左十幾秒佢都未見軟淋淋。之後我落嘅都係普通嘅生菜、豬肉、木耳、冬菇、雞髀菇等等。我見鮮奶飲完之後又叫咗一杯菊花茶。我見到菊花茶嚟到嗰陣時就即刻飲咗一啖。點知道我食到每一粒都係花瓣。一個好特別又好煩嘅口感，又唔似珍珠咁彈牙。但係啲花瓣會喺你個口腔嗰度徘徊。大概食咗兩到三個鐘頭之後就食曬枱上面嘅嘢，好愉快咁離開咗。人均二百，種類繁多，值得一試。