Pink Coffee (已結業)

公司搬咗嚟荔枝角咁耐，去嚟去去都係公司附近果幾間（其實係一間，日日去咁濟，唔洗諗，下次寫番），今日想試吓新嘢...之前bookmark咗荔枝角啲餐廳，今日就由pink coffee開始！喺門口放住A字午餐餐牌架～只有4個選擇，比較局限... 小妹揀咗鴨胸意粉，另加hazelnut latte = $48 + $32 (latte) + $4 (hazelnut syrup) - $9 (跟餐飲品減$9）～我比較早到，好似12半前就點完餐坐低咗喇～因爲時間尚早，餐廳內有好多位，環境好靚好舒服，有木櫈位，梳化位，仲有啲bar枱位，我搵咗個2人位坐低～～Latte好快就有，個意粉大概等咗15分鐘啦～個presentation幾靚～鴨胸塊同蜜桃片伴碟，個汁係茄汁，酸酸甜甜～幾開胃～我俾70分! 而杯hazelnut latte，說實話，小妹唔係好識飲咖啡，俾唔到專業嘅食評，但個人喜好而言，杯latte係好難飲嘅！好苦好澀！應該係個syrup唔啱我 整體而言，$75食咗個70分嘅意粉+唔合格嘅latte，性價比真係非常之低，而且附近有咁多選擇，所以我一定唔會再嚟食！