影片
更多
2023-01-17
976 浏览
上上星期日去咗呢個以日式昭和復古主題嘅餐廳，裝修偏向簡約，環境尚算唔錯，但係服務質素頗差，全程都食得唔係幾開心。首先，我哋去到嗰陣見到佢門口個牌轉咗營業中嘅狀態，咁我哋就開門入去問吓，但係有位紮馬尾嘅waitress以幾差嘅語氣同我哋講未開門，到我哋入得去，佢同我哋講坐榻榻米個邊要一點半之前交枱，我聽得唔係好清楚，諗住confirm吓問咗句：「一點半？」，佢就話：「係一點半之前。」到坐低影咗幾張店內環境嘅相，我朋友去問佢拎menu嗰陣，其實都冇blame佢嘅意思，但佢就話「我等緊你哋坐低呀嘛」，俾人感覺好似好厭煩嘅語氣，呢句說話其實可以唔洗講。。。後來嘢食上哂枱之後，係影緊嘢食相嗰陣，我朋友發現佢時不時行過去我哋枱我朋友嘅正前方不遠處，係咁望住我哋，因為次數太多所以我朋友感覺有種俾人監視嘅感覺，到我哋差唔多食完嗰陣，佢就拿拿臨收走我哋啲嘢食，俾埋張單我哋催我哋咁，但係我哋都未叫埋單。到埋完單，我好早就著完鞋，係得我朋友未著，佢仲特登走過嚟check我朋友著鞋未，見到我朋友著鞋就好似放心哂，即刻走開做自己嘢，雖然我哋呢邊仲有兩枱冇人坐，我哋都諗緊會唔會係有人book咗呢枱已經等緊入座，但
上上星期日去咗呢個以日式昭和復古主題嘅餐廳，裝修偏向簡約，環境尚算唔錯，但係服務質素頗差，全程都食得唔係幾開心。首先，我哋去到嗰陣見到佢門口個牌轉咗營業中嘅狀態，咁我哋就開門入去問吓，但係有位紮馬尾嘅waitress以幾差嘅語氣同我哋講未開門，到我哋入得去，佢同我哋講坐榻榻米個邊要一點半之前交枱，我聽得唔係好清楚，諗住confirm吓問咗句：「一點半？」，佢就話：「係一點半之前。」到坐低影咗幾張店內環境嘅相，我朋友去問佢拎menu嗰陣，其實都冇blame佢嘅意思，但佢就話「我等緊你哋坐低呀嘛」，俾人感覺好似好厭煩嘅語氣，呢句說話其實可以唔洗講。。。後來嘢食上哂枱之後，係影緊嘢食相嗰陣，我朋友發現佢時不時行過去我哋枱我朋友嘅正前方不遠處，係咁望住我哋，因為次數太多所以我朋友感覺有種俾人監視嘅感覺，到我哋差唔多食完嗰陣，佢就拿拿臨收走我哋啲嘢食，俾埋張單我哋催我哋咁，但係我哋都未叫埋單。到埋完單，我好早就著完鞋，係得我朋友未著，佢仲特登走過嚟check我朋友著鞋未，見到我朋友著鞋就好似放心哂，即刻走開做自己嘢，雖然我哋呢邊仲有兩枱冇人坐，我哋都諗緊會唔會係有人book咗呢枱已經等緊入座，但係直到我哋行到去門口，都冇見到有客人係到等緊位，甚至過咗店舖對面馬路，影番張門面相，前後嘅時間，都冇見到有人入舖頭。呢個waitress 三番四次，無論語氣定行為都幾冇禮貌，唉～真係第一次食得咁唔開心咁唔自在嘅一餐飯，唔會有下次。。。
✎ 日式野菌豚肉卷
呢個餐包豚肉卷、茶碗蒸、漬物、湯物同埋日本米。豚肉卷個汁好鹹，肉卷少乾，都幾多野菌嘅，淡淡肉味，由於個汁太鹹蓋過咗個肉味，撈飯食會好啲！茶碗蒸啲蛋幾滑嫩，同幾香蛋味，入面有蟹柳絲同菇。牛蒡漬物幾爽口，味道偏鹹 ，另外仲有支豆。蜆湯，味道鮮甜，但少少鹹。整體味道普普通通！
✎ 壽喜燒汁慢煮牛柳轉熱烏冬
呢個餐包慢煮牛柳、茶碗蒸、漬物、湯物。加咗錢，將日本米轉咗熱烏冬。牛柳入面粉嫩，咬落唔會太煙韌幾柔軟，牛味突出，沾上甜甜的、滑溜而充滿蛋香味嘅壽喜燒蛋醬，仍不失牛味。烏冬有咬口，配以濃郁湯味。茶碗蒸同樣啲蛋都幾滑嫩，同幾香蛋味。牛蒡漬物幾爽口，味道偏鹹 ，另外仲有支豆。蜆湯味道鮮甜少鹹。
✎ 梅酒梳打
梅酒味同梳打味濃，酸酸地幾好飲。
张贴
