騷 (已結業)

當推開此餐廳門口，已經有種想打退堂鼓的感覺，但生怕星期五一行七日難以搵食，所以硬著頭皮把腳踏進。餐廳應該只有三百幾四百呎左右，門口左面為開放式廚房，右面放滿檯椅，環境狹窄擠迫，冷氣微弱，加上廚房的熱氣，令整個大氣層更加悶熱。大家都示意快點食完便走。餐牌選擇已少，怎知叫漢堡無漢堡，叫Parma ham又無Parma ham， 真掃興！每碟食物價錢高，份量少，質素低，仲要逐碟上，每碟相隔十幾二十分鐘才上檯，大家都等得不耐煩，叫他們如果未做便取消兼埋單，他們又叫等五分鐘便上，如果質素高值得等，但這樣的質素實在等多一分鐘都嫌多。最後我們快速地把所點的食物食完便離開，由於完全食唔飽，所以便去鼎泰豐食多一餐滿足下大家。這餐廳廚房正正在門口隔離，假如不幸發生火警，真的很危險，所以廚師要克盡己任，千萬不要吸煙，免生意外。