水門泰式海南雞飯專門店 (已結業)

個日同太太落開上環，諗起永樂街街個間水門雞飯，馬上走去幫襯。我地叫左兩個無骨雞脾飯，一個蝦沙律，一個燒牛肉沙律，兩杯野飲。食落覺得雞件好滑，醮计惹味，連埋油飯、木瓜沙律一齊食非常開胃。大蝦沙律，有6隻蝦，size完全唔細，蝦肉彈牙。牛肉沙律，牛嘅份量都幾多，配埋惹味沙律汁，好啱而家咁炎熱既天氣食。值得一提既係特飲玫瑰梳打同青檸接骨木梳打，好飲得黎消暑又大杯。整體來講好OK，性價比高，下次肯定再黎幫襯！