Espresso Alchemy (美麗華廣場1期) (已搬遷) 新店位置

食完午餐之後朋友同我講，發現一間非常非常非常之好味嘅咖啡舖，一定要帶我去試一試，我食得太飽，諗住飲下佢哋嘅茶。聽完介紹之後心郁郁snow tea，會比較苦苦澀澀，我覺得好適合食飽之後消滯，但係飲茶的話要等十分鐘，咖啡就四分鐘，傳飲朱古力咖啡. 講明先我唔係一個好鍾意飲咖啡嘅人，但係我覺得呢一杯mocha，咖啡同朱古力嘅味道能夠互相調配，入口滑， 最好的係佢嘅冰好適中，唔會太多，飲到最尾都唔會沖淡味道。我覺得朱古力同埋咖啡嘅texture唔係好一樣，應該沖到一杯好飲嘅mocha係要有技巧。朋友說有一日喺美麗華一個比較少出入嘅門口發現呢間餐廳，一試之後，最近一星期每日都要飲一杯。好多時候，一杯貴少少嘅飲品，你會因為佢用心製作，同埋佢嘅調配口味而返轉頭，我覺得呢間鋪頭嘅咖啡會有呢種魔力。