Backyard (已結業)

今日天氣好好，突然之間好想嘆番杯咖啡，就去咗呢間(從未試過的)，一入到去，啲職員好友善咁招待我地，仲好細心咁同我地講，邊個座位會晒到太陽。由於已經係下午茶時間，職員介紹咗個餐俾我地，個餐有一杯飲品，同埋一件任選嘅蛋糕。由於已經食咗嘢，我地只好飲杯咖啡。環境好清靜及裝修好優雅，坐得好舒服。當然杯咖啡好好飲啦。到埋單嘅時候，職員仲問我地，杯咖啡好唔好飲吖？而家好小咁有誠意嘅職員，真係好有誠意。忘記問佢叫乜名……下次一定會再幫襯。