幸福鳥 (K11購物藝術館)

营业中

休息中

雖然講到一星期內嚟兩次好似好誇張，但係要事先申報，其實唔係話勁好食，只係地方方便，同埋唔使book位都一定可以食到嘅串燒lunch今次同上次一樣都係叫滑蛋豬扒飯，照樣冇乜特別。串燒就試多咗幾款。雞大髀我覺得好好食，夠晒嫩滑又入味多春魚同埋免治雞肉棒我就覺得一般，比起好多其他串燒店冇咁好食，同埋免治雞肉棒點可以冇蛋醬點㗎？豬大腸同埋雞心我都覺得唔錯，至少冇臭味！所有串燒我覺得其實都唔夠熱，可能因為佢等齊先一次過上。