今朝早同同事喺將軍澳做完嘢，大家都好肚餓，但又過咗11點好多餐廳都已經冇早餐set了。咁岩行過見到呢間韓國餐廳，地方好闊落，而佢嘅早餐時段去到11:30am，所以就決定入去食啦！
佢嘅一早餐選擇都好多，又想食麵又想食炒滑蛋，最後我揀咗一個野菌沙嗲牛肉麵轉米粉，個店員推介話加$6可以加埋炒滑蛋，咁就滿足晒我兩個願望啦！
佢嘅沙嗲牛肉同其他茶餐廳有少少唔同，不過湯底唔咸，食物都足料！
佢嘅炒滑蛋，應該加咗牛乳所以隻蛋好滑又帶出奶味，都幾唔錯！
1
總結一下，呢一度嘅店員好細心，會幫你諗下點樣最慳到錢又食到鍾意嘅野！地方好大唔使同人迫，價錢都合理。唯獨是係如果可以執乾淨啲地方就更好啦
