一日三餐 (已結業)

其實行過好幾次，個日因為去唔到想食個間，呢間又無人排，所以就撞左入去啦～呢間大家都唔陌生，而入面既野食其實都好吸引，呢期無咩話特別想食咩，男人好苦惱咁都唔知搵咩食，好就好在我未至於佢揀咩我就ban,所以個日都係佢幫我揀既焗芝士肉醬煎蛋飯 $62個肉醬好有小時候既味道，個茄味好正，隻蛋又煎得好好食，成件事好開心... 一來唔洗諗食咩，二黎食個時都唔洗點諗，放入口咬兩野就搞掂 （我同男人稱呢種為唔洗諗既野XD）招牌沙嗲牛肉公仔麵 $49我就成日去試last,男人就成日試呢個，而為免失望佢通常都會睇下人地comment先，結果都無失望，即係未至於嘩！好好食！ 都係頭幾間，如無記錯，花生醬味比較濃