金記冰室 (已結業)

今日為左去sogo買嘢，特意早d過銅鑼灣，咁都要食嘢架嘛，如是者今日竟然喺銅鑼灣食左3餐！首先食個靚早餐先，銅鑼灣有兩間金記冰室，我地就去左天樂里呢間食。原來呢度早餐供應至12點，諗咗一輪就嗌左兩個乙餐（$30）。個餐有火腿通粉、火腿奄列及牛油多士連嘢飲。每樣食物嘅質素都不過不失，定價$30嘅價錢算係差唔多啦，咁餐廳嘅裝修都幾有特色嘅，我見到牆上面有飛行棋裝飾，而安排係由1塊乒乓波拍整成，都幾特別架。