犇道 (已搬遷) 新店位置

疫情關係唔會日日都係街食，既然今日出街就支持下黃店，揀左位於龍門居犇道，顧名思義店家主打食牛肉的，但估唔到就算唔食牛肉都有幾款日式定食lunch set選擇，價錢由$58起，拉麵仲平少少，附近茶餐廳都係差唔多價錢呢～～慢煮美國極級嫩肩牛排配飯佢有兩個size揀的，我揀左150g細Portion，加埋飯底配菜算幾大碗，單單牛排都有近10片，完全鋪滿飯面。溫泉蛋生熟度剛好，流心效果強！因為沙律菜有加麻醬，全部拌勻後飯有點太濕的感覺～慢煮牛排每片都是紅粉菲菲賣相吸引，食落牛味重肉質Juicy唔會乾，高質呢！臨走仲有張印仔卡俾返，可以儲印仔換唔同的食物，疫情下佢地都坐得好疏，店面唔大又要坐得疏，如果住附近的街坊，不妨考慮外賣支持下。