影片
更多
2007-05-15
7 浏览
我都已有一排冇食壽司~ 睇我食評s 都知道！估唔到好日唔嚟留俾我的印象係咁...兩個人由1900 攞籌~ 當時嗌到"18"。而手持"27"都等了半個鐘呢！中途都有三四張枱嘅人忍唔住要等就閃…而觀察到十個埋去攞枱時都係喜孜孜雀躍的。Mark six 咁~ XD 可能當時我係咁都唔奇耶！今日冇lunch 很肚餓！^v^ 正所謂：要排隊懶矜貴咁…天下間定律係咁：愈多人爭崩頭就愈趨之若鶯咁！搞到愈排愈肚餓。記得當中的壽司包括：海膽、特大帆立貝、醋鯖魚、目砵魚、燒吞拿魚腩、劍魚、特大池魚、葱吞拿魚軍艦、鱈場蟹、螃蟹蝦羔…另叫炸蠔、蔬菜沙律、軟殼蟹手卷x1、咩咩沙律手卷x1(款式似加洲卷)講深刻的…不論因為美味而深刻又或者奇貌不揚而深刻海膽：差得很！出水不特止，而且海膽size 比巿面連鎖式迴轉的海膽份量仲要斬一半特大帆立貝：因為肚餓得制懶掀menu 咁就出事！原來我誤解咗呢度的帆立貝同出面嗰 d 大大件、啖啖肉、白雪雪嘅帆立貝一樣。到嚟咗咪睇到原來不單止唔一樣，仲要鮑魚款！o.m.g .~ >.<""" 口感就是因為鮑魚邊的帶子群而有啅口！又似食熟帶子咁。無奈我不懂欣賞…醋鯖魚：
兩個人由1900 攞籌~ 當時嗌到"18"。而手持"27"都等了半個鐘呢！中途都有三四張枱嘅人忍唔住要等就閃…而觀察到十個埋去攞枱時都係喜孜孜雀躍的。Mark six 咁~ XD 可能當時我係咁都唔奇耶！
今日冇lunch 很肚餓！^v^ 正所謂：要排隊懶矜貴咁…天下間定律係咁：愈多人爭崩頭就愈趨之若鶯咁！搞到愈排愈肚餓。
記得當中的壽司包括：海膽、特大帆立貝、醋鯖魚、目砵魚、燒吞拿魚腩、劍魚、特大池魚、葱吞拿魚軍艦、鱈場蟹、螃蟹蝦羔…
另叫炸蠔、蔬菜沙律、軟殼蟹手卷x1、咩咩沙律手卷x1(款式似加洲卷)
講深刻的…不論因為美味而深刻又或者奇貌不揚而深刻
海膽：差得很！出水不特止，而且海膽size 比巿面連鎖式迴轉的海膽份量仲要斬一半
特大帆立貝：因為肚餓得制懶掀menu 咁就出事！原來我誤解咗呢度的帆立貝同出面嗰 d 大大件、啖啖肉、白雪雪嘅帆立貝一樣。到嚟咗咪睇到原來不單止唔一樣，仲要鮑魚款！o.m.g .~ >.<""" 口感就是因為鮑魚邊的帶子群而有啅口！又似食熟帶子咁。無奈我不懂欣賞…
醋鯖魚：唯一同鯖魚味道相乎的壽司。
池魚/劍魚/目砵魚：三者味道勁似！到食咗都分辨唔到有咩唔同=.=
葱吞拿魚：唔掂！葱本來同吞拿魚係絕配。吞拿魚係就係入口溶，但魚一來本身冇咩鮮味，而葱亦幫助唔到帶d 咩鮮味出嚟！
燒吞拿魚腩：肉質彈性ok！但火炙物~ 竟然唔覺有火炙痕跡，亦食唔出燒炙味。
鱈場蟹：鹹得很！鹹已蓋過任何味道。
螃蟹蝦羔：蟹味強過蝦羔，可能蝦羔唔係人人鍾意~ 所以份量落得少！可以話食唔出。
炸蠔(一碟三隻)：雖然呢度蠔細，但講鮮味入口好食過我早排去食cwb 的tonkichi！(嗰日食嗰隻吉列炸蠔大就大，但又硬又腥)…咁講吉列炸漿咁梗係tonkichi 靚啦！
軟殼蟹手卷：仍係元氣勝。
xx沙律手卷：因為近年突然愛上加洲卷，所以去親食壽司必做的指定動作。食咁多間最令我垂涎的只有和花亭~ 個汁掂呀！但今日呢間！？help ~ 點解會有ammonia 味架！？因為中三時上chem 用ammonia 那種尿味太令我深刻了。T＾T 諗起人都癲！萬一touchwood 真係…咁點算！？一啖都足以致命啦！help….>.<""""
食後感：
要叫我專登慕名而試峰真係啋你都傻！因為食到中途味道已唔對版~ 試問我點叫下一碟！？
基本上我耐唔耐都係幫趁平民迴轉飯堂像板前、和花亭、元氣、元祿。但對我嚟講係合格架喎！
至於夾散壽司平日我都會有。一兩件散我接受嘅 ~ 但至於琴日就有4-6 件！呢樣算…
冇諗過上面任何提及過的魚生壽司當中食的過程食食下會突然滲出鹽粒的鹹~ 但我係冇叫任何塩類壽司囉！結果整個飯局中飲了三杯茶(平日甚少咁做因為怕飲水飲飽食唔到嘢)，但返到屋企又係渴到臨訓前灌了兩杯水…壽司咀嚼到一半突然變鹹呢個情況我平日食壽司係從來未試過，所以食壽司食到返屋企灌水更未試過啦！
而最令我估唔到嘅係今日當中所有紫菜係稔嘅！講開紫菜稔的情況，曾經元氣最跌watt 時真係咁樣~ 慶幸當時有板前進駐幫我止咳。但我都同意早兩日有位食家所言：元氣水準係飄忽的。好起上嚟真係好過好多巿面水的迴轉~ 當然包括人人成日追捧嗰 d 啦！但差起上嚟你個腦就自然會諗：點解我入咗間黑店、點解呢間嘢咁耐都唔摺…總之想鬧爆佢咁。但半個月前食過沙田那間元氣的水準不但紫菜脆得很，而且撇開魚生款其餘係保持到的。因為想食魚類壽司我係唔會去元氣，我寧願去板前同和花亭~ 但今日峰所有的魚類壽司俾我感覺係前面嗰兩間都不如！但又比元氣好。orz…
環境坐得舒服，而職員okay 的。勤斟茶！但…現場環境充滿mk 特色：嘈得很。所以職員將壽司拎到嚟時又唔講係乜，到問返轉佢又nur 到我聽唔到耶！款款魚都咁似樣…對menu 有時都有出入呀！
食材係就係大又拖尾！但又係唔啱我~ 因為味道都要同份量取得平衡。過份偏倚一邊唔係我喜歡的…咁事實抵還抵，我哽唔落！
共$333
张贴
