咖啡弄 (已結業)

小弟決定第一篇食評就寫你吧！ 咖啡弄早幾日一心來試試，但可惜服務員同我地講要等多３小時，只好擇日重來！今日決定一早黎排，１１點已經到（１２點營業），終於可以一試一入去，服務員好有禮貌打招呼！坐低即刻睇睇餐牌先，我地２個人叫佐：果茶入面有好多生果，有蘋果，梨，橙。飲落酸酸甜甜，十分醒胃呢杯冰沙都唔錯，都幾大杯，中意oreo朋友可以試試今日決定點佐３個，因為排佐咁耐都肚餓極了第一，先係玉米里肌起司可頌，牛角包餡料好多有里肌肉，芝士，煙肉粒，粟米粒，生菜餡料咸香豐富，單係賣相已經吸引第二，係現烤燻雞吐司披薩，烤多士上放佐雞肉+芝士，入口香脆。貼心服務員提供埋辣汁，調起整個pizza味道最後，係法國麵包咖哩牛腩，牛腩夠腍身，大大舊既薯仔都好腍，咖哩汁味濃，亦有少少辣，亦有法國麵包配咖哩汁，十分滿足。但油多佐Ｄ，有少少美中不足總結：食物質素好，飲品夠特別，兩者份量十足，雖然排隊等好耐，但都係值得。絕對會回頭，但如果能夠電話訂位會更好，最少唔洗排到腳仔軟